तिहारलाई लक्षित गर्दै सशस्त्र प्रहरी बल नेपाल नं. २ गण झापाद्वारा आगलागी नियन्त्रणसम्बन्धी अभ्यास

झापा । आउँदै गरेको तिहार पर्वका समयमा हुन सक्ने आगलागीका घटनालाई मध्यनजर गर्दै सशस्त्र प्रहरी बल नेपाल नं. २ गण झापाले भद्रपुर नगरपालिकासँगको सहकार्यमा आगलागी नियन्त्रणसम्बन्धी अभ्यास गरेको छ ।

तिहारका बेला दीपावली तथा पटका र अन्य प्रज्ज्वलनशील सामग्रीको प्रयोगबाट हुन सक्ने आगलागीका घटनालाई न्यूनीकरण गर्ने, विपद्को समयमा तत्काल उद्धार तथा आगो नियन्त्रण गरी जनधनको क्षति कम गर्ने उद्देश्यले उक्त अभ्यास गरिएको हो ।