जग्गा सट्टापट्टामा किन पूर्वप्रधानमन्त्री नेपालमाथि चल्यो भ्रष्टाचार मुद्दा ?

१७ कात्तिक, काठमाडौं । सरकारीकरण हुनुपर्ने जग्गा सट्टापट्टा गरेर बिक्री गर्न मन्त्रिपरिषद्‌बाट अनुमति दिएको आरोपमा अख्तियार दुरुपयोग अनुसन्धान आयोगले पूर्वप्रधानमन्त्री माधवकुमार नेपाल, उनको मन्त्रिपरिषद्का मन्त्री डा. मिनेन्द्र रिजाल लगायत ९७ जनामाथि भ्रष्टाचार मुद्दा दायर गरेको छ ।

अख्तियारले पूर्वप्रधानमन्त्री नेपालमाथि दोस्रो भ्रष्टाचार मुद्दा दायर गरेको हो । यसअघि जेठ, २०८२ मा पतञ्जली योगपीठको हदबन्दी छुटको जग्गा सट्टापट्टाको अनुमती दिँदा भ्रष्टाचार भएको आरोपमा दायर भएको मुद्दा विशेष अदालतमा नै विचाराधीन छ ।