ओलीलाई प्रचण्डको प्रस्ताव- देश संकटमा छ, एकताबद्ध होऔं

नेपाली कम्युनिष्ट पार्टी (नेकपा) का संयोजक पुष्पकमल दाहाल 'प्रचण्ड' ले नेकपा (एमाले) सहित सबै वामपन्थी शक्तिहरूलाई एकताको लागि आह्वान गरेका छन्।

मंगलबार पेरिसडाँडामा आयोजित नेपाली कम्युनिष्ट पार्टी र नेपाल कम्युनिष्ट पार्टीबीचको एकता घोषणामा बोल्दै संयोजक दाहालले अहिले मुलुक असाधारण संकटमा रहेकोले आग्रह, पूर्वाग्रह र सङ्कीर्णताबाट मुक्त भएर राष्ट्रलाई प्राथमिकतामा एकताबद्ध हुनुपर्ने आवश्यकता रहेको बताएका हुन्।