ओलीसहित सबै वामपन्थीलाई प्रचण्डको एकताको प्रस्ताव, भन्छन्: देश असाधारण संकटमा छ

नेपाली कम्युनिष्ट पार्टीका संयोजक पुष्पकमल दाहालले नेकपा (एमाले) का अध्यक्ष केपी शर्मा ओलीसहित सबै वामपन्थी शक्तिलाई एकताबद्ध हुन आह्वान गरेका छन्।

मंगलबार पेरिसडाँडामा नेपाली कम्युनिष्ट पार्टी र नेपाल कम्युनिष्ट पार्टीबीच आयोजित एकता घोषणासभालाई सम्बोधन गर्दै दाहालले मुलुक असाधारण संकटमा रहेको भन्दै कम्युनिष्ट, देशभक्त र लोकतन्त्रवादी शक्तिबीच एकता आवश्यक रहेको बताएका हुन्।