पोखरामाथि लुम्बिनीको एकपक्षीय जित, ५० बल बाँकी छँदै हराएर अंकतालिकाको शीर्ष स्थानमा

कप्तान रोहित पौडेलको आक्रामक ब्याटिङ र रुबेन ट्रम्पलम्यानको घातक बलिङप्रेरित लुम्बिनी लायन्सले नेपाल प्रिमियर लिग (एनपिएल) मा पोखरा एभेन्जर्समाथि ८ विकेटको फराकिलो जित हात पारेको छ।

मंगलबार कीर्तिपुरस्थित त्रिवि क्रिकेट मैदानमा सम्पन्न खेलमा पोखराले दिएको ९८ रनको सामान्य लक्ष्य लुम्बिनीले ५० बल बाँकी छँदै मात्र ११.४ ओभरमा २ विकेट गुमाएर पूरा गर्‍यो।