बेल्ट एन्ड रोड यू–१९ सिरिजः नेपालको विजयी सुरुआत

काठमाडौँ । चीनमा जारी ‘बेल्ट एन्ड रोड यु–१९ सिरिज’ मा नेपाली महिला क्रिकेट टोलीले विजयी सुरुआत गरेको छ । मंगलबार सम्पन्न खेलमा थाइल्यान्डलाई सात विकेटले हराउँदै नेपालले प्रतियोगितामा विजयी सुरुआत गरेको हो ।

खेलमा थाइल्याण्डले दिएको ३६ रनको झिनो लक्ष्य नेपालले नौ ओभरमा तीन विकेट गुमाएर भेट्टायो । नेपालको जितमा साना प्रवीनले १५, टीका साहले अविजित १२ र कप्तान सोनी पाख्रिनले पाँच रन जोडिन् ।