वनसम्बन्धी कानुनी अड्चनले मुन्दुम पदमार्गमा घरबास र पूर्वाधार निर्माण प्रभावित

काठमाडौं – पर्यटकीय सम्भावना बोकेको मुन्दुम पदमार्गमा पर्यटकको बसाइ सहज बनाउन आवश्यक घरबास ९होमस्टे०, गोठबास तथा अन्य पूर्वाधार निर्माणमा वनसम्बन्धी कानुनी व्यवस्थाले अवरोध सिर्जना गरेको छ। पदमार्गको अधिकांश क्षेत्र वनभित्र पर्ने र वन क्षेत्रको जग्गामा संरचना निर्माण गर्न कानुनी कठिनाइ रहेकाले पर्यटन विकास प्रभावित भएको स्थानीय जनप्रतिनिधिहरूले बताएका छन् ।

मङ्गलबार भोजपुरमा कोशी प्रदेशको पर्यटन, वन तथा वातावरण मन्त्रालयले आयोजना गरेको ‘होमस्टे दर्ता शिविरसम्बन्धी समन्वयात्मक छलफल’ कार्यक्रममा सहभागी जनप्रतिनिधि तथा सरोकारवालाले पर्यटकीय क्षेत्रको विकासका लागि वनसम्बन्धी कानुन र नीतिगत व्यवस्थामा सुधार गर्नुपर्ने माग गरेका हुन् ।