अमेरिकामा कलाकारिता जोगाउँदै सरिता

अमेरिका बसोबास गरेर पनि कलाकारितालाई निरन्तरता दिंदै लोकप्रिय अभिनेत्री सरिता लामिछाने नेपाली कला र संस्कृति नयाँ पुस्तामा हस्तान्तरण गर्ने अभियानमा छिन्। नेपाली फिल्म तथा टेलिभिजन क्षेत्रमा करिब २५ वर्ष बिताएकी उनले अमेरिकाको ओहायोस्थित रेनल्सबर्गमा एभरेस्ट कला केन्द्र, युएसए स्थापना गरेर आफ्नो कलाकारितालाई नयाँ स्वरूप दिएकी हुन्।

लामिछानेले जुन २०२५ मा स्थापना गरेको केन्द्रमार्फत अहिले सयभन्दा बढी बालिका नृत्य तथा सांस्कृतिक प्रशिक्षणमा सहभागी छन्। केन्द्रका सबै विद्यार्थी बालिका हुन्। नेपाली मौलिक नृत्यप्रतिको उनीहरूको आकर्षण केन्द्रको विशेष पहिचान बनेको छ।