प्रारम्भिक मत गणना डेमोक्र्याटको पक्षमा दुवै सदनमा बहुमतको सम्भावना

काठमाडौं – अमेरिकामा प्रतिनिधि सभा र सिनेटका लागि मतदान लगभग सकिएको छ । प्रारम्भिक मतगणनामा डेमोक्र्याटले अग्रता लिएको छ । प्रारम्भिक नतिजालाई आधार मान्दा दुवै सदनमा डेमोक्र्याट हरूले बहुमत पाउने करिब पक्का झैँ देखिएको छ ।

प्रतिनिधि सभामा डेमोक्र्याटले ३२ स्थानमा जित हात पारेका छन् भने ९० स्थानमा अग्रता लिएका छन् । रिपब्लिकले १३ स्थानमा जित हात पारेका छन् भने ७२ स्थानमा अग्रता लिएका छन् । सिनेटमा पनि डेमोक्र्याटको पकड रहने पक्का भई सकेको छ । जर्जियामा डमोक्र्याटका जोन आसुफले सफलता पाएका छन् ।