नदी नियन्त्रणमा पहिलो त्रैमासिक भौतिक प्रगति ३४.९ प्रतिशत, खर्च भने २३.४ प्रतिशत मात्रै

काठमाडौं – ऊर्जा, जलस्रोत तथा सिँचाइ मन्त्रालयले चालु आर्थिक वर्षको पहिलो त्रैमासमा नदी नियन्त्रण तथा जल उत्पन्न विपद् व्यवस्थापनतर्फ ३४ दशमलव ९ प्रतिशत भौतिक प्रगति हासिल भएको जनाएको छ । तर, सोही अवधिमा विनियोजित त्रैमासिक बजेटको २३ दशमलव ४ प्रतिशत मात्रै खर्च भएको छ ।

नदी तथा जल उत्पन्न विपद् व्यवस्थापन महाशाखाअन्तर्गतका कार्यक्रम सञ्चालनका लागि चालु आर्थिक वर्षमा पाँच अर्ब २० करोड ९० लाख रुपैयाँ बजेट विनियोजन गरिएको छ । पहिलो त्रैमासमा ६२ करोड ७४ लाख रुपैयाँ खर्च गर्ने लक्ष्य राखिएकामा १४ करोड ७० लाख रुपैयाँ मात्रै खर्च भएको मन्त्रालयले सार्वजनिक गरेको विवरणमा उल्लेख छ ।