प्रारम्भिक नतिजामा ट्रम्पलाई धक्का, तल्लो सदनमा डेमोक्र्याटको बहुमतको प्रक्षेपण

काठमाडौं । अमेरिकामा सम्पन्न मध्यावधि निर्वाचनमा डेमोक्र्याटिक पार्टीले प्रतिनिधिसभा (हाउस अफ रिप्रेजेन्टेटिभ्स) मा बहुमत हासिल गर्ने भएको छ । सीएनएनको डिसिजन डेस्कले गरेको प्रक्षेपणअनुसार डेमोक्र्याटहरूले तल्लो सदनमा जित हासिल गर्ने भएका हुन् । यससँगै रिपब्लिकन पार्टीले कायम राख्दै आएको प्रतिनिधिसभाको नियन्त्रण डेमोक्र्याटहरूको हातमा जाने भएको छ । अब राष्ट्रपति डोनाल्ड ट्रम्पको कार्यकालको बाँकी दुई वर्षमा ह्वाइट हाउस र प्रतिनिधिसभाबीच राजनीतिक टकराव बढ्न सक्ने देखिएको छ ।

सिनेटतर्फ पनि डेमोक्र्याटिक पार्टीले महत्त्वपूर्ण सफलता हासिल गरेको छ। सीएनएनका अनुसार साउथ क्यारोलिनाको सिनेट निर्वाचनमा डेमोक्र्याटिक उम्मेदवार एनी एन्ड्र्युज विजयी हुने भएकी छन् । उनले रिपब्लिकन सिनेटर डार्लिन ग्राहमलाई पराजित गर्दै जित हासिल गरेकी हुन्। यससँगै रिपब्लिकन पार्टीले झन्डै तीन दशकदेखि आफ्नो नियन्त्रणमा राख्दै आएको सिनेटको उक्त सिट डेमोक्र्याटिक पार्टीले खोस्ने भएको छ।