नेप्सेको सीईओ नियुक्ति प्रक्रिया अन्योलमै, सरकार अझै अनिर्णित

काठमाडौं- नेपाल स्टक एक्सचेञ्ज (नेप्से) को प्रमुख कार्यकारी अधिकृत (सीईओ) नियुक्ति प्रक्रिया सुरु भएको लामो समय बितिसक्दा पनि सरकारले नयाँ नेतृत्व चयन गर्न सकेको छैन। उम्मेदवारहरूको व्यावसायिक कार्ययोजना प्रस्तुतीकरण तथा अन्तर्वार्ता सम्पन्न भइसके पनि नियुक्ति प्रक्रिया भने अन्योलमै छ।

लामो समयपछि बुधबार बसेको मन्त्रिपरिषद् बैठकले समेत नेप्सेको सीईओ नियुक्तिबारे कुनै निर्णय गर्न सकेन। यसअघि छनोट समितिका संयोजक महेश आचार्यले तिहारअघि नै नयाँ सीईओ नियुक्त हुने बताएका थिए। तर, तिहार नजिकिँदै गर्दा पनि नियुक्ति प्रक्रिया टुंगिन सकेको छैन।