बझाङको केदारस्युँमा जिप दुर्घटना, २ जनाको मृत्यु

बझाङ। बझाङको केदारस्युँ गाउँपालिका–७ भानचौरमा आज बिहान जिप दुर्घटना हुँदा दुई जनाको मृत्यु भएको प्रारम्भिक जानकारी प्राप्त भएको छ। आज बिहान ९:१० बजेको समयमा उक्त दुर्घटना भएको हो। दुर्घटनाग्रस्त जिपमा करिब १२ देखि १५ जनासम्म सवार रहेको प्रारम्भिक जानकारी प्राप्त भएको छ।

दुई जनाको घटनास्थलमै मृत्यु भएको भन्ने सूचना प्राप्त हुनासाथ प्रहरी टोली उद्धार तथा आवश्यक व्यवस्थापनका लागि घटनास्थलतर्फ खटिएको जिल्ला प्रहरी कार्यालय बझाङले जनाएको छ।