मंसिर दोस्रो साता संसद्: महाभियोग सिफारिस समिति गठन गरिँदै

संसद्को आगामी अधिवेशन मंसिरको दोस्रो साता बोलाउने तयारी छ। सरकारी तहमा यस विषयमा छलफल अघि बढेको र संसद् सचिवालयले पनि अधिवेशनका लागि आवश्यक प्रारम्भिक तयारी थालेको छ। बिचौलियासँगको उठबसका कारण प्रश्न उठेका सर्वोच्च अदालतका न्यायाधीशमाथि छानबिन गर्न संसद्मा ‘महाभियोग सिफारिस समिति’ गठन गर्ने गरी राजनीतिक दलहरूबिच तीव्र तयारी र गृहकार्य भइरहेको छ।

सर्वोच्चको पूर्ण बैठक (फुलकोर्ट) ले विवादित विषयमा आफैं छानबिन समिति गठन नगर्ने निर्णय गर्दै संसद् र संविधानबमोजिमको प्रक्रियाका लागि बाटो खुला गरिदिएपछि यो विषय पूर्णरूपमा संसद्को क्षेत्राधिकारमा आइपुगेको छ।