डब्ल्यूटीएममा पर्यटनमन्त्री पौडेलको भेटवार्ता

संस्कृति, पर्यटन तथा नागरिक उड्डयनमन्त्री खडक राज पौडेल ‘गनेस’ ले नेपालको पर्यटन प्रवर्द्धन, हवाई सम्पर्क विस्तार र पर्यटन क्षेत्रमा लगानी भित्र्याउने विषयमा विभिन्न मुलुकका उच्चपदस्थ अधिकारीसँग भेटवार्ता गरेका छन्।

बेलायतको लन्डनमा नोभेम्बर ३ देखि ५ सम्म आयोजना भइरहेको विश्व पर्यटन बजार (डब्ल्यूटीएम) २०२६ मा सहभागी हुने क्रममा मन्त्री पौडेलले भारत, संयुक्त अरब इमिरेट्स (यूएई) र श्रीलङ्काका पर्यटनसम्बन्धी अधिकारी तथा भारतकी राज्यसभा सदस्य सुधा मूर्तिसँग छलफल गरेका हुन्।