पुस २ गतेदेखि विराट एक्स्पो हुँदै

विराटनगर । उद्योग सङ्गठन मोरङको आयोजनामा विराटनगरमा नवौँ संस्करणको विराट एक्स्पो २०२६ आगामी पुस २ देखि ११ गतेसम्म सञ्चालन हुने भएको छ। विराटनगर–१४ स्थित डिग्री क्याम्पस परिसरमा आयोजना हुने एक्स्पोमा २७५ भन्दा बढी स्टल रहने आयोजकले जनाएको छ।

उद्योग सङ्गठन मोरङले बुधबार विराटनगरमा पत्रकार सम्मेलन गर्दै एक्स्पोको तयारी, उद्देश्य र कार्यक्रमबारे जानकारी गराएको हो । सङ्गठनका अध्यक्ष नन्दकिशोर राठीका अनुसार यस पटकको एक्स्पो विगतका संस्करणभन्दा फरक अवधारणामा आयोजना गर्न लागिएको छ। एक्स्पोको मूल नारा ‘द इकोसिस्टम अफ अपरच्युनिटिज’ राखिएको छ।