इनमको अडियो लिक र पत्रकार पक्राउ प्रकरणमा गृहमन्त्री र आईजीपीसँग जवाफ माग्न नेकपाको माग

काठमाडौँ । प्रहरी हिरासतबाट अडियो बाहिरिएको तथा पत्रकार पक्राउ र रिहाइका घटनाबारे सरकारसँग जवाफ माग्न नेपाली कम्युनिस्ट पार्टी (नेकपा)ले राज्य व्यवस्था तथा सुशासन समितिको बैठक तत्काल बोलाउन माग गरेको छ ।

नेकपाका प्रमुख सचेतक तथा समिति सदस्य युवराज दुलालले सभापति हरि ढकाललाई पत्र लेख्दै गृहमन्त्री र प्रहरी महानिरीक्षक (आईजीपी)लाई समितिमा बोलाएर घटनाबारे जवाफ लिनुपर्ने बताएका छन् ।