ट्रम्पद्वारा मध्यावधि निर्वाचनको नतिजा स्वीकार गर्ने प्रतिबद्धता

अमेरिकी राष्ट्रपति डोनाल्ड ट्रम्पले आफू मध्यावधि निर्वाचनको नतिजा स्वीकार गर्न पूर्ण रूपमा तयार रहेको बताएका छन्। साथै उनले डेमोक्र्याटहरूसँग मिलेर काम गर्न तत्पर रहेको बताएका छन्। मंगलबार राति द न्युयोर्क टाइम्ससँगको टेलिफोन अन्तर्वार्तामा उनले भने, ‘तपाईंलाई थाहै छ, हामी उनीहरूसँग सहकार्य गर्न उत्सुक छौँ। हामी सम्भवतः कुनै न कुनै सहमति निकाल्ने नै छौँ।’