अमेरिकी मध्यावधि निर्वाचनमा एलन मस्कको ४५ करोड डलरभन्दा बढी खर्च

वासिङ्टन- अमेरिकी मध्यावधि निर्वाचनमा अर्बपति व्यवसायी एलन मस्कको चुनावी खर्च र राजनीतिक प्रभाव पनि चर्चामा आएको छ ।

अमेरिकी चुनावी आर्थिक सहयोगसम्बन्धी अभिलेख विश्लेषण गर्ने संस्था ओपनसेक्रेट्सका अनुसार मस्कले रिपब्लिकन उम्मेदवार र रूढिवादी विचारधाराका सङ्गठनलाई समर्थन गर्न कम्तीमा ४५ करोड ५० लाख अमेरिकी डलर खर्च गरेका छन् । यो कुनै एक व्यक्तिले अमेरिकी चुनावमा गरेको अहिलेसम्मकै ठूलो खर्च भएको बताइएको छ ।