‘३० वर्षपछि सगरमाथामा हिउँ नै नदेखिने हो कि ?’

मैले सन् २००८ र सन् २०१८ मा खिचेका सगरमाथा क्षेत्रका दृश्यलाई तुलना गर्छु । पहिले पनि म हिमालतिर जान्थेँ । सन् २००८ मा हिउँ पुरै आइसको थुप्रोजस्तो देखिन्थ्यो र हिँड्न सजिलो थियो । तर सन् २०१८ मा हेर्दा स्थितिमा धेरै भिन्नता आइसकेको छ । त्यहाँ अहिले सबै ग्लेशियर पग्लिसकेको छ ।

म क्याम्प वान र क्याम्प टु जाँदाका अनुभवहरू पनि फरक छन् । क्याम्प थ्री र क्याम्प फोरतिर त झन् ठूलो परिवर्तन आएको छ । पहिले त्यहाँ बाक्लो हिउँ हुन्थ्यो र टेन्ट राख्न तथा हिँड्न धेरै सहज हुन्थ्यो । अहिले भने त्यहाँ हिउँ नै छैन, पूरै ढुङ्गामात्रै छ। बाटोमा हिउँ नभएर काँचो ढुङ्गा मात्रै हुँदा चिप्लिने र लड्ने खतरा धेरै बढेको छ । क्लाइम्बिङ गर्न पनि अहिले निकै गाह्रो भइसकेको छ । यो सोसोलुम्बु क्षेत्रको समग्र रेञ्जमा नै धेरै परिवर्तन आइसकेको देखिन्छ ।