मन्त्रिपरिषद्बाट निर्णय भए मात्रै बजेटबारे छलफल गर्ने कांग्रेसको अडान

धनगढी- नेपाली कांग्रेस सुदूरपश्चिम प्रदेश संसदीय दलले प्रदेश सरकारका अत्यावश्यक तथा अनिवार्य दायित्वका कार्यक्रम मात्रै कार्यान्वयन गर्ने निर्णय मन्त्रिपरिषद्बाट भए बजेट विवादबारे छलफल गर्न तयार रहेको जनाएको छ ।

बुधबार धनगढीमा बसेको संसदीय दलको बैठकले कर्मचारीको तलब, अस्पताल सञ्चालनलगायत अत्यावश्यक कार्यक्रम मात्रै कार्यान्वयन गर्ने र अन्य बजेट कार्यक्रम तथा खर्च रोक्ने निर्णय मन्त्रिपरिषद्बाट हुनुपर्ने सर्त अघि सारेको हो ।