अचानक आउने ठूलो बाढीको पूर्वानुमान गर्न भूकम्प मापनयन्त्र कसरी उपयोगी हुन सक्छ

भूकम्प मापन गर्ने यन्त्र "साइज्मोमिटर"मा रेकर्ड भएको तरङ्गलाई अध्ययन गरेर हिमाली क्षेत्रबाट सुरु हुने हिमपहिरो र त्यसले निम्त्याउने बाढीको पूर्वानुमान गर्न सकिने निष्कर्ष एउटा वैज्ञानिक अध्ययनले निकालेको छ।

उक्त अध्ययनका अनुसार गत भदौ १० गते बिहान नेपाली समयानुसार ८ः३७:१६ बजे स्यान्बूरीको उत्तरी भिरालो भागको लाङ्टाङ हिमशृङ्खलामा हिमचट्टान खसेर पहिरो सुरु भएको थियो।