मर्जरपछि एनआईएमबीमा खराब कर्जाको पहिरो, मेगा डुबाउनेदेखि सीआईबी छल्नेसम्म मदन आचार्यको ‘रहस्यमय’ भूमिका !

काठमाडौं– नेपाल इन्भेष्टमेन्ट बैंक र तत्कालीन मेगा बैंकबीच मर्जर भएर नेपाल इन्भेष्टमेन्ट मेगा बैंक (एनआईएमबी) बनेको तीन वर्ष बितिसक्दा पनि बैंकको वित्तीय स्वास्थ्य सुधारिनुको साटो झन् झन् संकटग्रस्त बन्दै गएको छ । मर्जरअघि डेढ प्रतिशतको हाराहारीमा रहेको निष्क्रिय कर्जा (एनपीए) बढेर साढे आठ प्रतिशत नाघ्नु, ३० अर्ब रुपैयाँभन्दा बढी रकम प्रोभिजनिङमा फस्नु र लगातार तीन वर्षसम्म लगानीकर्ताको हात रित्तो हुनु सामान्य घटना होइन । यस डरलाग्दो वित्तीय पतनको पछाडि तत्कालीन मेगा बैंकको ‘विषाक्त कर्जा’ र त्यसलाई संरक्षण गर्ने सञ्चालकहरूको गैरजिम्मेवार भूमिका रहेको तथ्य खुल्दै जाँदा तत्कालीन मेगा बैंकका प्रभावशाली सञ्चालक मदन आचार्यको भूमिकामाथि गम्भीर प्रश्न उठेको छ ।

राजनीतिक आवरणमा अन्धाधुन्ध कर्जा प्रवाह