प्रदेश र स्थानीय तहबाटै अनलाइन स्वास्थ्य बिमा आबद्धता र नवीकरण गर्न सकिने

काठमाडौँ – स्वास्थ्य बिमा बोर्डले प्रदेश सरकार र स्थानीय तहबाटै अनलाइनमार्फत सामूहिक स्वास्थ्य बिमा आबद्धता तथा नवीकरण सेवा सुरु गरेको छ ।

बोर्डले मङ्गलबारदेखि काठमाडौंको गोकर्णेश्वर नगरपालिका र कपिलवस्तुको कपिलवस्तु नगरपालिकाबाट उक्त सेवा सञ्चालनमा ल्याएको हो । बोर्डका प्रवक्ता डा. पवनकुमार साहले पहिलो चरणमा दुई स्थानीय तहबाट सेवा सुरु गरिएको जानकारी दिए ।