मध्यावधिमा डेमोक्र्याटको ऐतिहासिक जितसँगै अमेरिकी राजनीति नयाँ मोडमा

काठमाडौं- अमेरिकी राष्ट्रपति डोनल्ड ट्रम्पको बाँकी कार्यकालको राजनीतिक दिशा तय गर्ने ठानिएको बहुप्रतिक्षित अमेरिकी मध्यावधि निर्वाचनको नतिजा सार्वजनिक भएसँगै अमेरिकी राजनीतिमा तरङ्ग पैदा भएको छ । यस निर्वाचनमा विपक्षी डेमोक्र्याटिक पार्टीले अमेरिकी कङ्ग्रेसका दुवै सदन अर्थात् तल्लो सदन हाउस अफ रिप्रिजेन्टेटिभ्स र माथिल्लो सदन सीनेटमा स्पष्ट बहुमत हासिल गर्दै ऐतिहासिक विजय प्राप्त गरेको छ । यस नतिजासँगै रिपब्लिकन पार्टीका राष्ट्रपति ट्रम्पको राष्ट्रपतीय कार्यकालका बाँकी दुई वर्ष अब विपक्षी दलको कडा कानुनी र राजनीतिक नियन्त्रणमा बित्ने निश्चित भएको छ ।

अमेरिकी कङ्ग्रेस दुई सदन मिलेर बनेको छ । जहाँ तल्लो सदनमा बहुमतका लागि कम्तीमा २१८ सीट र सीनेटमा ५१ सीट आवश्यक पर्दछ। यस पटकको निर्वाचनमा तल्लो सदनका सबै ४३५ सीट, माथिल्लो सदनका १०० मध्ये ३५ सीट तथा विभिन्न राज्यका गभर्नर पदका लागि चुनावी प्रतिस्पर्धा भएको थियो।