सूर्याेदयमा सुरु भयो भूमि र नापी सेवा

सूर्याेदय नगरपालिकामामा भूमि प्रशासन र नापी सेवा सुरु भएको छ । संघीय सरकारले सबै पालिकामा भूमि र नापीसम्बन्धी सेवा विस्तार गर्ने योजनाअनुसार सूर्याेदयमा पनि सेवा सुरु भएको हो ।

नगरको भूमि प्रशासन तथा नापी शाखाबाट पहिलो चरणका १० काम हुनेछन् । राजीनामा, हकहिस्सा राजीनामा, दर्ताफारी, सगोलनामा, हकछोडपत्र, दानपत्र, हालैदेखिको बकसपत्र, शेषपछिको बकसपत्र, जग्गासहितको अष्टलोह र पालिकाभित्रै सट्टपट्टा हुने जग्गाको काम शाखाबाट हुने भूमि प्रशासन शाखा प्रमुख सुवर्ण ढकालले बताए । शाखामा अधिकृत ढकालसहित ६ कर्मचारीको टोली छ भने नापी अधिकृत सागर सिंहको नेतृत्वमा ३ प्राविधिक छन् ।