सरकारका गलत क्रियाकलापमा कांग्रेसले तीखो निगरानी गर्छ : विश्वप्रकाश शर्मा

नेपाली कांग्रेसका वरिष्ठ उपसभापति विश्वप्रकाश शर्माले विधिको शासन, पारदर्शिता र जवाफदेहिताको माग गर्दै सरकारका गलत क्रियाकलापमाथि पार्टीले तीखो निगरानी राख्ने बताएका छन्।

कांग्रेसको १५औँ महाधिवेशनको नीतिअनुसार प्रतिपक्षी दलका रूपमा सरकारले गर्ने गलत काममाथि प्रश्न उठाइने उनले स्पष्ट पारे। विधिको शासन अदालत, राजनीतिक दल र कर्मचारीमाथि हुने कारबाही सबै क्षेत्रमा समान रूपमा लागू हुनुपर्ने उनको भनाइ छ।