राती १२ बजेसम्म होटल सञ्चालन गर्न दिन माग

जिल्ला प्रशासन कार्यालय मोरङले राती साँढे १० बजेसम्म मात्रै होटल व्यवसाय सञ्चालन गर्न दिएको निर्देशन अव्यवहारिक भएको भन्दै विराटनगरका होटल व्यवसायी र अधिकारवादी संस्थाले विराटनगर महानगरपालिकामा ज्ञापनपत्र बुझाएका छन्।

बुधबार विराटनगरका होटल, रेस्टुरेन्ट तथा बार व्यवसायीहरू र अधिकारवादी संस्था साझा पहल समूहले विराटनगर महानगरपालिकाकी कार्यवाहक प्रमुख शिल्पा निराला कार्कीलाई ज्ञापनपत्र बुझाएका हुन्।