खरिद प्रक्रियाबारेका समाचार भ्रमपूर्ण : नेपाल टेलिकम 

कम्पनीले मंगलबार प्रेस विज्ञप्ति जारी गर्दै पछिल्लो समय खरिद प्रक्रियासम्बन्धी भ्रमपूर्ण तथा अपुष्ट समाचारहरू सार्वजनिक भइरहेको भन्दै गम्भीर ध्यानाकर्षण भएको जनाएको हो ।

टेलिकमले प्रचलित ऐन, कानुन तथा सुशासनका मूल्य र मान्यताअनुसार आफ्नो कामकारबाही सञ्चालन गर्दै आएको स्पष्ट पारेको छ । कम्पनीका अनुसार दूरसञ्चार उपकरण तथा सेवा खरिद गर्दा कम्पनीको आर्थिक विनियमावली, सम्बन्धित कार्यविधि, सार्वजनिक खरिद ऐन तथा सार्वजनिक खरिद अनुगमन कार्यालयबाट जारी स्ट्यान्डर्ड बिड डकुमेन्टका आधारमा आवश्यक प्रक्रिया अपनाइने गरिएको छ ।