उपभोक्ता झुक्याई बिक्री वितरण गर्ने दुई फर्म दण्डित

वीरगन्ज । पर्व लक्षित समयमा उपभोक्ता ठगी गर्न पल्केका वीरगन्जका दुई व्यापारिक फर्मलाई कैफियत फेला परेपछि दण्डित गरिएको छ । बाणिज्य कार्यालय पर्साको अगुवाईमा बजार अनुगमनमा निस्केको टोलीले लाल किराना पसल र सन्तोष मार्केटिङलाई दण्डित गरिएको हो ।

ती पसलमा उपभोक्तालाई विक्री वितरण गर्न नहुने सामान पनि झुक्यानमा पारी विक्री गर्ने गरेको फेला पारेपछि प्रति फर्म ५०–५० हजार दण्ड जरिवाना गरिएको छ । नेपालमा विक्री गर्न बर्जित गरेका मालबस्तु र डेट सकिएका अनि बालबालिकाले खानै नमिल्ने सुख्खा मिठाई लगायतका खाद्य पदार्थ विक्री वितरण गर्ने भेटियो । यस्तो गरेको पाइएपछि दण्डित गरिएको अनुगमन टोलीमा सहभागी जिल्ला प्रशासन कार्यालय पर्साका कर्मचारी ब्रम्हदेव यादवले बताए ।