इजरायलको निर्वाचनमा धाँधली भएको छैन : आयोग

जेरुसेलम – इजरायलको निर्वाचन आयोगले गत साता सम्पन्न निर्वाचनमा धाँधली भएको कुनै प्रमाण फेला नपरेको जनाएको छ । आयोगको यस निष्कर्षले निर्वाचनमा धाँधली भएको दाबी गर्दै आएका प्रधानमन्त्री बेन्जामिन नेतान्याहुलाई धक्का पुगेको छ ।

नेतान्याहु र उनका समर्थकहरूले अरब नेतृत्वका दलहरूले विदेशी सहयोगमा निर्वाचनमा धाँधली गरेको र मतदाताको जनमत प्रभावित पारेको आरोप लगाउँदै आएका थिए । तर, उनीहरूले आफ्नो आरोप पुष्टि गर्ने कुनै प्रमाण प्रस्तुत गर्न सकेका छैनन् ।