नेपाली वायुसेवामाथिको प्रतिबन्ध फुकुवा गर्न सरकारले ईयूसँग पहल गरिरहेको छ : मन्त्री पौडेल

संस्कृति, पर्यटन तथा नागरिक उड्डयनमन्त्री खडकराज (गणेश) पौडेलले युरोपेली संघ (ईयू) ले नेपाली वायुसेवामाथि लगाउँदै आएको प्रतिबन्ध फुकुवा गर्न सरकारले कूटनीतिक पहल जारी राखेको बताएका छन्।

ब्रिटेन–नेपाल चेम्बर अफ कमर्सद्वारा मङ्गलबार लन्डनमा आयोजित अन्तरक्रिया कार्यक्रममा मन्त्री पौडेलले यसै महिना ब्रसेल्समा हुने बैठकमा नेपालले उक्त प्रतिबन्ध हटाउन जोडदार रूपमा माग गर्ने जानकारी दिए। प्रतिबन्ध हटेपछि राष्ट्रिय ध्वजावाहक नेपाल वायुसेवा निगमको बेलायतलगायत अन्य युरोपेली मुलुकमा उडान सञ्चालन गर्न सहज हुने उनको भनाइ थियो।