प्रधानमन्त्री बालेनको भारत भ्रमणको तयारी तीव्र, एजेन्डा तय गर्न भारतीय विदेश सचिव सक्रिय

काठमाडौँ । प्रधानमन्त्री वालेन्द्र (बालेन) शाहको प्रस्तावित भारत भ्रमणलाई केन्द्रमा राखेर नेपाल र भारतबीच कूटनीतिक छलफल तीव्र बनेको छ। नेपाल भ्रमणमा रहेका भारतीय विदेश सचिव विक्रम मिस्रीले बुधबार नेपाल सरकारका विभिन्न मन्त्री तथा उच्च अधिकारीहरूसँग भेटवार्ता गर्दै भ्रमणका सम्भावित एजेन्डाबारे छलफल गरेका छन्।

परराष्ट्र सचिव अमृत राईको निमन्त्रणामा नेपाल आएका मिस्रीले बुधबार परराष्ट्र सचिव राईसँग द्विपक्षीय वार्ता गरेका थिए। भेटमा प्रधानमन्त्री शाहको आसन्न भारत भ्रमणको तयारी, भ्रमणका क्रममा उठाउन सकिने विषय र दुई देशबीचको सम्बन्धलाई थप प्रभावकारी बनाउनेबारे छलफल भएको परराष्ट्र मन्त्रालयले जनाएको छ।