च्याम्पियन्स लिगमा रियल म्याड्रिड र आर्सनल विजयी

काठमाडौं । युरोपेली च्याम्पियन्स लिगअन्तर्गत गएराति भएका खेलमा रियल म्याड्रिड र आर्सनलले जित निकालेका छन् । रियल म्याड्रिडले एइके एथेन्सलाई ३–२ गोलले पराजित गर्दा आर्सनलले स्लाभिया प्रागलाई २–१ गोलले हराएको छ ।

रियल म्याड्रिडले एइकेको मैदानमा भएको प्रतिस्पर्धात्मक खेलमा अन्तिम समयमा गोल गर्दै जित निकालेको हो । रियलका लागि किलियन एम्बाप्पे, जुड बेलिङ्घम र फेडेरिको भाल्भेर्देले गोल गरेका थिए । एइकेका अबुबाकारी कोइटा र स्टाभ्रोस पिलियोसले गोल गरेका थिए । खेलको अन्तिम समयमा भाल्भेर्देले निर्णायक गोल गर्दै रियललाई जित दिलाएका थिए ।