आईजीपीबाट हटाएर सल्लाहकार बनायो, कुन बिचौलियाको सेटल गरिदिएको होला : हर्क साम्पाङ

श्रम संस्कृति पार्टीका अध्यक्ष हर्क साम्पाङले दानबहादुर कार्कीलाई प्रहरी महानिरीक्षक (आईजीपी) बाट हटाएर सल्लाहकार बनाइएको विषयलाई लिएर सरकारको आलोचना गरेका छन्।

साम्पाङले सामाजिक सञ्जालमार्फत सरकारको कामकारबाहीप्रति व्यंग्य गर्दै सबै कुरा ‘सेटिङ’मा हुने गरेको टिप्पणी गरेका छन्। उनले यस्तो निर्णय कुनै बिचौलियाको स्वार्थ पूरा गर्न गरिएको हुन सक्ने आशंकासमेत व्यक्त गरे।