केपी ओली सत्तामा हुँदा कसैको सुन्दैनथे, बालेन पनि कसैलाई सुन्दैनन् : बस्नेत

जनता समाजवादी पार्टी (जसपा) नेपालका नेता पूर्ण बस्नेतले प्रधानमन्त्री बालेन्द्र शाहको कायशैलीलाई पूर्वप्रधानमन्त्री केपी शर्मा ओलीसँग तुलना गरेका छन्। नेपाली काङ्ग्रेसका सभापति गगन थापालाई सरकारले पक्राउ गर्ने चर्चाका बिच बस्नेतले विरोधीलाई ठीक पार्ने तौरतरिका, रबैया र कार्यशैली समान रहेको भन्दै उक्त टिप्पणी गरेका हुन्।

बस्नेतले भने, ‘केपी शर्मा ओली सत्तामा हुँदा कसैको सुन्दैनथे। बालेन पनि कसैलाई सुन्दैनन्। यी दुवै बदलाको भावबाट प्रेरित छन्। प्रतिशोधपूर्ण शासनलाई नै यिनीहरू शासन र सुशासन ठान्दछन्।’