झोलुङ्गे पुल बनेपछि चार घण्टाको यात्रा दस मिनेटमा

बागमती प्रदेश सरकारले सिन्धुपाल्चोकको जुगल गाउँपालिका–१, सेलाङमा एक करोड ७८ लाख रुपियाँको लागतमा झोलुङ्गे पुल निर्माण गरेपछि स्थानीय किसानलाई घरखेत गर्न सहज भएको छ ।

१९६ मिटर लामो पुल निर्माण भएपछि विशेष गरी धान भित्र्याउने समयमा किसानलाई आवतजावत गर्न सहज भएको हो । पुल नहुँदा ठाडो काल्चे खोला पार गरेर घर र खेतसम्म पुग्न चार घण्टासम्म लाग्ने गरेकोमा अहिले १० मिनेटमै पुग्न सकिने भएको छ ।