अन्यायविरुद्व पाँच पाण्डवको विद्रोह

फिल्मको विषयवस्तुलाई लिएर गरिएका विभिन्न अड्कलबाजी, चर्चा, आलोचना र विरोधका बीच पाँच पाण्डवको केही कथावस्तु झल्कने गरी मंगलवार राजधानीमा आयोजित एक समारोहबीच यसको दोस्रो ट्रेलर सार्वजनिक गरिएको छ। यसअघि सार्वजनिक ट्रेलरमा भन्दा दोस्रो ट्रेलरमा फिल्मका मुख्य पात्र र उनीहरूको भूमिका प्रस्ट्याउने प्रयास गरिएको छ।

दोस्रो ट्रेलरको केन्द्रमा अभिनेता हरिवंश आचार्य छन्। पूरै ट्रेलर उनकै वरपर घुमेको छ। पृथ्वीमा रहेका आप्mना भाइहरू दु:खी रहेको भन्दै पृथ्वीलोकमा आइपुगेका युधिष्ठिर अर्थात् हरिवंश समस्यामा परेका भाइहरूलाई कसरी छुटकारा दिलाउने भन्ने अभियानमा देखिन्छन्। हरिवंशले भीम, अर्जुन र सहदेव भन्दै नामकरण गरेर आप्mना चार भाइ बनाइरहेका छन्। उनी विभिन्न समस्यामा परेकाहरूलाई सहयोग गर्दै हि“ड्छन्। अन्याय र विकृतिविरुद्ध उभिएका हरिवंश समस्यामा परेकाहरूको उद्धारकर्ताका रूपमा देखिन्छन्। छोटा कपडा लगाएर क्यासिनोमा देखिएकी युवतीलाई आङ ढाकिदिने दृश्यले सभ्य समाज निर्माण गर्ने उनको उद्देश्यलाई संकेत गर्छ। अन्याय, हिंसा र अत्याचारविरुद्ध पा“च भाइ मिलेर गर्ने संघर्ष र विद्रोहलाई ट्रेलरमा प्रस्तुत गरिएको छ। फिल्मको मुख्य कथ्य र हुक लाइन पनि यही रहेको ट्रेलरले संकेत गर्छ। फिल्मले सेन्सर बोर्डबाट युनिभर्सल सर्टिफिकेट प्राप्त गरेबाट यसको विषयवस्तुमा समस्या नभएको पनि प्रष्ट भएको छ।