ट्रेण्डिङमा ‘बाटुलो जून’ को ट्रेलर, प्रभावकारी देखियो अनमोल चरित्र

काठमाडौं– अभिनेता अनमोल केसीको मुख्य भूमिका रहेको नयाँ नेपाली फिल्म ‘बाटुलो जून’ को ट्रेलर सार्वजनिक भएको १२ घण्टा नबित्दै यूट्युबको फिल्म सेक्सन अन्तर्गत ट्रेण्डिङमा परेको छ । बुधवार साँझ सार्वजनिक भएको ट्रेलरले यो अवधिमा तीन लाख बढी भ्युज पाइसकेको छ भने भिडियो ट्रेन्डिङको दोस्रो स्थानमा रहेको छ ।

ट्रेलरले अभिनेता अनमोल केसीद्वारा निर्वाह गरिएको चरित्रसँगै कथावस्तुको केही महत्वपूर्ण पक्ष उजागर गरेको छ । ट्रेलरमा अनमोल गाउँमा पढाउन पुगेका एक शिक्षकको भूमिकामा देखिएका छन् । गाउँमा रहँदा उनको भेट युवती ९प्रिन्सी खतिवडा० सँग हुन्छ । उनीहरूबीच बढ्दै गएको सामीप्यता र युवतीसँग विवाह गर्ने अनमोलको प्रस्तावलाई ट्रेलरमा प्रस्तुत गरिएको छ ।