सयपत्री फूलबारी तिहारको पर्खाइमा

बाजुराको बडीमालिका नगरपालिका–४ ओलेनाका कमल नाथको सयपत्री फूलबारी तिहारको पर्खाइमा छ । तिहारलाई लक्षित गरी गत साउन–भदौमा रोपिएका सयपत्रीका फूल अहिले बारीभरि ढकमक्क फुलेका छन् ।

तिहारमा दिदीबहिनीले दाजुभाइलाई सयपत्री र मखमली फूलको माला लगाइदिने परम्परा छ । यही परम्परालाई लक्षित गर्दै कमलले सयपत्री फूलको व्यावसायिक खेती सुरु गर्नुभएको हो ।