तीन दशकदेखि व्यावसायिक कृषिमा रमाउँदै बुद्धसागर मेहता

सुनसरी, १९ कात्तिक । इनरुवा नगरपालिका–८ का बुद्धसागर मेहताको परिचय हो– सफल अनि व्यावसायिक किसान । उनी विगत ३० वर्षदेखि कृषिमा संलग्न छन् ।

पुख्र्यौली रूपमा सामान्य खेतीपाती गर्दै आएका उनले आधुनिक तथा व्यावसायिक तरिकाले कृषि गर्न थालेको करिब तीन दशक भयो । उनले आफ्नै तीन बिघा र १० बिघा जग्गा भाडामा लिएर तरकारी तथा खाद्यान्नको खेती गर्दै आएका छन् । उनको खेतमा टमाटर, बोडी, काउली, बन्दाकोबी, लौका, सागलगायत विभिन्न मौसमी तरकारीका साथै धान, मकै र गहुँ उत्पादन हुँदै आएको छ ।