रोकेको अटोमा ठोक्किएर लडे, त्यसपछि गाडीले ठक्कर दिँदा गयो ज्यान

दाङको तुलसीपुरमा सडक किनारमा रोकिराखेको अटोमा मोटरसाइकल ठोक्किएपछि सडकमा लडेका एक जनालाई विपरीत दिशाबाट आएको पिकअप गाडीले ठक्कर दिँदा मृत्यु भएको छ।

बुधबार बेलुकी करिब साढे ६ बजे तुलसीपुरबाट बबईस्थित घरतर्फ जाँदै गरेका बबई गाउँपालिका–६ का ५८ वर्षीय हिमबहादुर डाँगी सवार मोटरसाइकल सडक किनारमा रोकिराखेको अटोमा पछाडिबाट ठोक्किएको थियो।