योगदानको सम्झना तथा सम्मानमा देवकोटा सांस्कृतिक साँझ

नेपाली भाषासाहित्यका विराट प्रतिभा महाकवि लक्ष्मीप्रसाद देवकोटाको ११८औँ जन्मजयन्तीको अवसर पारेर दाङको घोराहीमा सांगीतिक साँझ आयोजना हुँदै छ।

राप्ती साहित्य परिषद् दाङ शाखाको आयोजनामा आउँदाे २० गते शुक्रबार घोराहीस्थित कौशी ब्याङ्क्वेटमा ‘महाकवि देवकोटा सांगीतिक साँझ’ आयोजना गर्न लागिएको हो। साँझ ५ बजेदेखि सुरु हुने कार्यक्रम पारिवारिक वातावरणमा सञ्चालन गरिने परिषद्का अध्यक्ष यम रेग्मीले बताए।