बागमतीका १४२ जना शाखा अधिकृतको सरुवा

हेटौँडा । बागमती प्रदेश सरकारले प्रदेशका १४२ वरिष्ठ शाखा अधिकृत तथा शाखा अधिकृतहरूको एकै साथ सरुवा गरेको छ । मुख्यमन्त्री तथा मन्त्रिपरिषद्को कार्यालयले प्रदेश प्रशासन सेवा, सामान्य प्रशासन समूह अन्तर्गतका १४२ जना (सातौँ/आठौँ तहका) शाखा अधिकृतहरूको एकै पटक सरुवा तथा पदस्थापन गरेको हो ।

कार्यालयको कात्तिक १८ गतेको निर्णय अनुसार प्रदेश मन्त्रालयहरू तथा मातहतका विभिन्न निकायहरूमा कार्यरत अधिकृतहरूलाई जिम्मेवारी तोकेर विभिन्न मन्त्रालय, निर्देशनालय, आयोग तथा कार्यालयहरूमा पदस्थापन गरिएको हो । जसअनुसार कर्मचारीहरूलाई मुख्यतया प्रदेशका प्रशासनिक तथा विकासे मन्त्रालयहरू र अन्य संवैधानिक/स्वायत्त निकायहरूमा खटाइएको छ ।