भक्तपुरमा ट्रकको ठक्करबाट एकजनाको मृत्यु

काठमाडौँ- भक्तपुरको मध्यपुरथिमि नगरपालिका–१ मा बिहीबार बिहान ट्रकको ठक्करबाट एकजनाको मृत्यु भएको छ। सिन्धुपाल्चोकको बाह्रबिसे नगरपालिका–९ की गीता तिमिल्सिनाको मृत्यु भएको प्रहरीले जनाएको छ।

उपत्यका ट्राफिक प्रहरी कार्यालयका अनुसार, जडीबुटीबाट लोकन्थलीतर्फ जाँदै गरेको ग. प्र ०४–००१ प ००४५ नम्बरको ट्रकले मनोहरातर्फ जाँदै गरेको बा। प्र ०२–००१ ब ३०१८ नम्बरको मोटरसाइकललाई ठक्कर दिएको थियो। दुर्घटनामा गम्भीर घाइते भएकी तिमिल्सिनाको उपचारका क्रममा मृत्यु भएको हो।