नेपाल बीमा प्राधिकरणको अध्यक्षमा नियुक्त थापाद्वारा पदभार ग्रहण

काठमाडौँ । नेपाल बीमा प्राधिकरणको अध्यक्षमा नियुक्त राजन विक्रम थापाले बिहीवारदेखि औपचारिक रूपमा कार्यभार सम्हालेका छन् । सरकारले मङ्गलवार बसेको मन्त्रिपरिषद् बैठकबाट उनलाई प्राधिकरणको अध्यक्षमा नियुक्त गर्ने निर्णय गरेको थियो ।

नवनियुक्त अध्यक्ष थापाले बुधवार अर्थमन्त्री डा. स्वर्णिम वाग्लेसमक्ष पद तथा गोपनीयताको शपथ लिएका थिए । शपथ ग्रहणपछि बिहीवार उनले प्राधिकरण पुगेर आफ्नो जिम्मेवारी सम्हालेका हुन् ।