थातथलो फर्किने छटपटीमा होल्डिङ सेन्टरका बाढीपीडित (तस्वीरहरू)

१९ कात्तिक, काठमाडौं । भदौ १० गतेको रसुवाको भोटेकोशी हुँदै त्रिशूली नदीमा आएको बाढीका कारण विस्थापितहरूलाई काठमाडौंमा होल्डिङ सेन्टरमा राखिएको छ। काठमाडौंका विभिन्न गुम्बा तथा सेन्टरहरूमा विस्थापितहरू बस्दै आइरहेका छन्। केही भने पुन: गाउँ फर्किसकेका छन्। केही गाउँ फर्किने तयारीमा छन् भने केही चाहिँ फर्केर के गर्ने भनेर रनभुल्ल छन्।

बाढीबाट विस्थापित भएकाहरू दुई महिनादेखि काठमाडौंमा बसिरहे पनि उनीहरूले थातथलो कसरी फर्किने भन्ने पिरलो छ। सरकारले पुनर्स्थापनाको योजना नल्याएको उनीहरूको गुनासो छ।