अनशनरत डा केसीको स्वास्थ्य अवस्था जटिल बन्दै, जीवन रक्षाका लागि चिकित्सक संघको अपिल

चिकित्सा शिक्षा र स्वास्थ्य सेवामा सुधारको माग गर्दै आमरण अनशनमा रहेका वरिष्ठ चिकित्सक डा गोविन्द केसीको स्वास्थ्य अवस्था जटिल बन्दै गएपछि सरकारमाथि माग सम्बोधन गर्न दबाब बढेको छ। नेपाल चिकित्सक संघले केसीको जीवन रक्षालाई प्राथमिकतामा राख्दै तत्काल वार्ता गरी समस्या समाधान गर्न सरकारसँग माग गरेको छ।

संघले बिहीबार विज्ञप्ति जारी गर्दै आठ दिनदेखि २५औँ आमरण अनशनमा रहेका केसीको स्वास्थ्यमा जटिल समस्या देखिएकोप्रति गम्भीर ध्यानाकर्षण भएको जनाएको छ। केसीको स्वास्थ्य जोखिममा पर्न सक्ने अवस्था रहेकाले सरकारले ढिलाइ नगरी वार्ताको वातावरण बनाउनुपर्ने संघको माग छ।