वहिष्कार र प्रदर्शन रोक्ने चेतावनीबीच शुक्रवारदेखि सिनेमा हलमा प्रदर्शन हुँदै ‘पाँच पाण्डव’

काठमाडौं– विभिन्न विवाद तथा फिल्म प्रदर्शन रोकिन सक्ने चर्चाका बीच ‘पाँच पाण्डव’ को निर्माण टिमले आफ्नो फिल्म पूर्व निर्धारित मितिमै प्रदर्शन हुने स्पष्ट पारेको छ । निर्माण टिमले बुधवार एक विज्ञप्ति जारी गर्दै कात्तिक २० गते शुक्रवारदेखि देशभरका सम्पूर्ण सिनेमा हलमा यो फिल्म प्रदर्शन हुने जानकारी दिएको हो ।

योसंगै पछिल्लो समय ‘पाँच पाण्डव’ लाई लिएर विभिन्न टीका–टिप्पणी तथा विवादका समाचार सार्वजनिक भइरहेका बेला निर्माण पक्षले फिल्मको प्रदर्शन नरोकिने प्रस्ट पारेको हो । निर्माण टिमले फिल्म प्रदर्शनबारे फैलिएका अन्योललाई चिर्दै दर्शकलाई पूर्वनिर्धारित मिति मै सिनेमा हलसम्म पुगेर फिल्म हेर्न आग्रहसमेत गरेको छ ।