वर्षौंदेखि नक्कली प्रमाणपत्रको भरमा जागिर गरेका शिक्षकविरुद्ध अख्तियारको मुद्दा

काठमाडौँ- नक्कली स्थायी अध्यापन अनुमतिपत्र पेस गरी सरकारी सेवामा प्रवेश गरेको आरोपमा जुम्लाका एक शिक्षकविरुद्ध अख्तियार दुरुपयोग अनुसन्धान आयोगले विशेष अदालतमा भ्रष्टाचार मुद्दा दायर गरेको छ।

आयोगका अनुसार जुम्लाको तिला गाउँपालिका-१, राँसामालापानीस्थित ज्योति माध्यमिक विद्यालयमा कार्यरत शिक्षक महेन्द्रराज शाहीले नक्कली स्थायी अध्यापन अनुमतिपत्र पेस गरी करार शिक्षकको नियुक्ति लिएका थिए।